Medvedevin Makronun ittihamlarına cavabı : "Eyib olsun, cənab Prezident!"

"Avropa siyasətinin sevimli metodu günahı sağlam başın üzərinə yıxmaqdır. Fransa Prezidenti Emmanuel Makronun son bəyanatını izah etməyin başqa yolu yoxdur".

“Operativ Media" xəbər verir ki, bu fikirləri Rusiya Federasiyası Təhlükəsizlik Şurasının sədr müavini Dmitri Medvedev "VKontakte" hesabında bildirib.

Makronun Rusiyanı Ermənistan-Azərbaycan sərhədində vəziyyəti qızışdırmaqla bağlı ittihamlarına cavab olaraq Medvedev qeyd edib ki, bu bəyanat daha çox yanlışdır:

"Makron əslində Rusiyanı günahlandırmadı, əksinə, özünə haqq qazandırdı. O, Fransanın Ermənistanı nə qədər çox sevdiyini şiddətlə deyir. O müdrik və nəcib görünməyə çalışır. Son açıqlama açıq-aşkar erməni diasporasının rəğbətini qazanmağa hesablanıb".

"İyrənc müstəmləkə keçmişi, hazırda isə açıq-aşkar amerikapərəst mövqeyi üçün - (C'est une honte) eyib olsun, cənab Prezident!", - Medvedev vurğulayıb.