“Tutto Bello” şirkəti Beynəlxalq “Qarabağ Bərpa, Yenidənqurma və İnkişaf” sərgisində - FOTOLAR

Qarabağın birlikdə dirçəldilməsi, birlikdə həll yollarının tapılması üçün təşkil edilən Beynəlxalq “Qarabağ Bərpa, Yenidənqurma və İnkişaf” sərgisi artıq ikinci ildir keçirilir. Bu il sərgidə öz fərqliliyi ilə seçilən şirkətlərdən biri də “Tutto Bello”dur.

 “Tutto Bello” şirkətinin stendi və fəaliyyət istiqaməti sərgi iştirakçılarının diqqətini çəkib. Şirkətin direktoru Anar Məmmədov bildirib ki, onlar Qarabağın və Şərqi Zəngəzurun bərpası və yenidən qurulması naminə səylərini davam etdirəcəklər. “Tutto Bello” “Rebuild  Karabakh” sərgisində öz innovativ həllərini təqdim edir.

Sərgi oktyabrın 21-dək davam edəcək.

Qeyd edək ki, “Tutto Bello” MMC fəaliyyətinə 2002-ci ildən başlayıb. 20 il ərzində şirkət çoxsaylı yaşıllaşdırma və abadlıq layihələrini, təmir-tikinti və landşaft-dizayn işlərini, həmçinin döşəmə örtükləri, qapılar, bağ mebellərinin və digər məhsulların topdan və pərakəndə satışını həyata keçirir.