Aİ elektrikli avtomobillərin şarj stansiyalarını artıracaq

Avropa İttifaqı (Aİ) qurumları elektromobillər üçün daha çox enerji doldurma stansiyaları quraşdırmaq barədə razılığa gəliblər.

"Operativ Media" xəbər verir ki, Avropa Şurası üzv ölkələrlə Avropa Parlamenti (AP) arasında alternativ yanacaq infrastrukturunun quraşdırılmasının sürətləndirilməsinə dair tənzimləmə ilə bağlı razılığın əldə edilib.

Müvafiq olaraq, qarşıdakı illərdə Avropada alternativ yanacaqla işləyən avtomobillər üçün daha çox yanacaqdoldurma məntəqələri yaradılacaq

2026-cı ilə qədər elektrik avtomobilləri üçün 400 kilovat-saat (kVt/saat) enerji doldurma stansiyaları əsas yollarda hər 60 kilometrdən bir yerləşdirilməsi planlaşdırılır.2028-ci ilə qədər bu enerji doldurma stansiyalarında istehsal gücü 600 kilovat-saata çatdırılması hədəflənir.