Hikmət Hacıyev Cəbrayıldan erməni vandallığını əks etdirən görüntü paylaşıb

Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev Cəbrayıldan paylaşım edib.

"Operativ Media" xəbər verir ki, Hikmət Hacıyev erməni işğalı nəticəsində viran qoyulmuş ərazinin videosunu “Twitter“də paylaşıb.

Prezidentin köməkçisi bildirib ki, bu narahatedici mənzərəni vulkan püskürməsi nəticəsində dağılmış qədim Pompey xarabalıqları ilə səhv salmaq olar.

“Pompeydən fərqli olaraq, bu video Cəbrayıl şəhərində 30 illik işğal zamanı Ermənistan (“qədim sivil ölkə” adlandırılan) tərəfindən qəsdən törədilən insan vandalizmini/urbisidi əks etdirir”, - o qeyd edib.