Azərbaycan və İran xarici işlər nazirləri arasında telefon danışığı olub

İranın xarici işlər naziri Hüseyn Əmir Abdullahiyan və Azərbaycanın xarici işlər naziri Ceyhun Bayramov bu axşam ikitərəfli münasibətlərdəki son hadisələrlə bağlı telefon danışığının üçüncü raundu keçiriblər.

"Operativ Media" xəbər verir ki, bu barədə İran XİN məlumat yayıb.

"Danışıqların bu raundunda tərəflər iki ölkə arasında ikitərəfli razılaşmaların davam etdirilməsini vurğuladılar. İran İslam Respublikası və Azərbaycan Respublikası xarici işlər nazirlərinin görüşünün iki ölkənin paytaxtlarında davam etdirilməsi birgə gündəlikdəki məsələlərdəndir"- deyə məlumatda qeyd olunur.