Azərbaycnda alkoqolsuz içkilərin istehsalı artıb

Bu ilin yanvar-mart aylarında ölkədə 7 523,3 min dekalitr (dkl) alkoqolsuz içkilər istehsal edilib.

"Operativ Media" Dövlət Statistika Komitəsinə istinadən xəbər verir ki, ötən ilin eyni dövrünün göstəricisi ilə müqayisədə istehsal 38,6 faiz və ya 2 094,8 min dkl artıb.

Cari ilin fevral ayı ilə müqayisədə isə martda artım 74,5 faiz və ya 1 415,0 min dkl təşkil edib.

Mart ayında 3 315,0 min dkl alkoqolsuz içkilər istehsal olunub. Aprel ayının 1-nə hazır məhsul ehtiyatı isə 545,7 min dkl təşkil edib.

Qeyd edək ki, 2022-ci ildə ölkədə 35 890,8 min dkl alkoqolsuz içkilər istehsal olunub ki, bu da bir il öncəki göstəricidən 6 516,6 min dkl və ya 22,2 faiz çoxdur.