ÜST qeyri-infeksion xəstəliklərin artması tendensiyası ilə bağlı xəbərdarlıq edib

Ümumdünya Səhiyyə Təşkilatı (ÜST) son illərdə qeyri-infeksion xəstəliklərin artması tendensiyası və onların yaratdığı təhlükələr barədə xəbərdarlıq edib.

"Operativ Media" xəbər verir ki, ÜST Ümumdünya Səhiyyə Statistikası 2023 hesabatını açıqlayıb.

2022-ci ilə qədər olan məlumatları özündə əks etdirən hesabata görə, 2000-2015-ci illərdə müşahidə olunan tendensiyalarla müqayisədə, son illərdə səhiyyə sahəsində tərəqqidə durğunluq müşahidə olunur.

Hesabatda iqlim dəyişikliyi və qeyri-infeksion xəstəliklər təhlükəsi barədə xəbərdarlıq edilib və bu məsələdə birgə fəaliyyətə çağırılıb.

Bildirilib ki, dünyada 2020-2021-ci illərdə COVID-19 səbəbindən 336,8 milyon insan dünyasını dəyişib.

2000-ci ildən bəri ana və uşaq sağlamlığında əhəmiyyətli irəliləyişlər olub, ana ölümü üçdə bir, uşaq ölümü isə iki dəfə azalmışdır.

İİV, vərəm və malyariya kimi yoluxucu xəstəliklərin nisbəti azalıb, bu, gözlənilən ömür uzunluğunun 2000-ci ildəki 67-dən 2019-cu ildə 73-ə yüksəlməsinə səbəb olub.

Qeyd edilib ki, ümumi sağlamlıq sahəsində irəliləyişlərə baxmayaraq, qeyri-infeksion xəstəliklərdən ölüm nisbəti hər il durmadan artmışdır və hələ də hər il bütün ölümlərin dörddə üçünü təşkil edir.