http://operativmedia.az/public/frontend/img/svg/proqnozu.svg
Bakı 24 ° C

Baş Prokurorluğun nümayəndə heyəti beynəlxalq forumda iştirak edib

23 May 2023 , 10:49
Baş Prokurorluğun nümayəndə heyəti beynəlxalq forumda iştirak edib

Cari ilin 17-20 may tarixlərində Rusiya Federasiyasının Tatarıstan Respublikasının Kazan şəhərində «Rusiya-İslam dünyası: KazanForum 2023» XIV Beynəlxalq İqtisadi Forumu keçirilib.

Baş Prokurorluğun mətbuat xidmətindən "Operativ Media"ya verilən məlumata görə, forumda Azərbaycan Respublikasının Baş Prokurorluğunu Baş prokurorun müavini Elmar Camalov, Xidməti araşdırmalar idarəsinin rəisi Kamal Qılıcov və həmin idarənin böyük prokuroru Ülvi Əhmədov təmsil edib.

Tədbirdə çıxış edən Baş prokurorun müavini Elmar Camalov ölkələrimiz arasında dostluq və əməkdaşlıq münasibətlərinin olduğunu bildirərək dövlət başçılarının birgə səyləri və siyasi iradələri sayəsində ikitərəfli münasibətlərin bir çox istiqamətlərdə uğurla inkişaf etdiyini qeyd edib.

Səfər çərçivəsində Rusiya Federasiyası Baş prokurorunun müavini Pyotr Qorodovun rəhbərlik etdiyi nümayəndə heyəti, eləcə də Rusiya Federasiyası Dövlət Dumasının Regional siyasət və yerli özünüidarəetmə komitəsi sədrinin birinci müavini Serqey Morozov və Sahibkarların müraciətləri ilə iş platformasının moderatoru Elina Sidorenko ilə görüşlər keçirilib.

Görüşlər zamanı beynəlxalq təşkilatlar çərçivəsində qarşılıqlı fəaliyyətin səmərəliliyi, biznes sahəsində dövlətlər üçün neqativ nəticələrin aradan qaldırılmasında hakimiyyət orqanları, prokurorluq və vətəndaş cəmiyyəti institutlarının rolu, eləcə də yerli və xarici şirkətlərin hüquqlarının bərabər səviyyədə müdafiəsinin təmin olunmasında prokurorluq orqanlarının fəaliyyəti və digər mövzularla bağlı çıxışlar olmuşdur.

Bundan başqa, rusiyalı həmkarlarla görüş zamanı transmilli cinayətlərin törədilməsinə görə beynəlxalq cinayət təqibi, vətəndaşların təhlükəsizliyinin təmin edilməsi, onların hüquq və azadlıqlarının qorunması, həmçinin prokurorluq işçilərinin təlim və ixtisasartırma sahəsində qarşılıqlı fəaliyyətin inkişafına dair faydalı fikir mübadiləsi aparılmışdır.

OXŞAR XƏBƏRLƏR
Bakıda şüphəli şəxs polisə bıçaqla müqavimət göstərib, atəş açılıb

Bakıda şüphəli şəxs polisə bıçaqla müqavimət göstərib, atəş açılıb

Bakıda hazırda sıxlıq müşahidə olunan yollar açıqlanıb

Bakıda hazırda sıxlıq müşahidə olunan yollar açıqlanıb

Sabunçu rayonunda qaz olmayacaq

Sabunçu rayonunda qaz olmayacaq

XƏBƏR LENTİ
  • 08:55

    Bakıda şüphəli şəxs polisə bıçaqla müqavimət göstərib, atəş açılıb
  • 08:23

    Bakıda hazırda sıxlıq müşahidə olunan yollar açıqlanıb
  • 08:15

    Belarus Respublikası Silahlı Qüvvələrinin Baş Qərargah rəisi ölkəmizdə səfərdədir
  • 07:38

    Ceyhun Bayramov Antiqua və Barbudanın xarici işlər naziri ilə görüşüb
  • 07:11

    Rəcəb Tayyib Ərdoğan Zelenski ilə görüşüb
  • 07:02

    Komitə Blinkeni Konqresə hörmətsizlikdə ittiham edən qətnaməni təsdiqləyib
  • 06:54

    Azərbaycan ağırlıqqaldıranları dünya birinciliyində çıxışlarını başa vurublar
  • 06:29

    Ceyhun Bayramov Estoniyanın xarici işlər naziri ilə görüşüb
Menyu