Moldova prezidenti: "Putin bura gəlsə həbs olunacaq"

Moldova prezidenti Maia Sandu ölkəsinin Beynəlxalq Cinayət Məhkəməsinin qərarına əməl edəcəyini və Rusiya prezidenti Vladimir Putinin Moldovaya gələcəyi təqdirdə onu həbs edəcəyini bildirib.

''Operativ Media" xəbər verir ki, Moldova prezidenti bu açıqlamanı ”Euronews Rumıniya” kanalına müsahibəsində deyib.O, bildirib ki, Moldova Respublikası cinayət məhkəməsi ilə bağlı müqavilə imzalayıb və Moldova məhkəmənin qərarına hörmətlə yanaşacaq.

Qeyd edək ki, Putin sonuncu dəfə prezident kimi Moldovada 2002-ci ilin oktyabrında MDB sammitində olub. 2008-ci ilin noyabrında baş nazir kimi o, MDB-yə üzv dövlətlərin Hökumət Başçıları Şurasının iclasında iştirak edib. Kişinyovda keçirilib.

Martın 17-də Beynəlxalq Cinayət Məhkəməsi Vladimir Putin və Rusiya prezidentinin uşaq hüquqları üzrə komissarı Mariya Lvova-Belovanın ukraynalı uşaqları qanunsuz deportasiya etməkdə ittiham edərək həbsinə order verib. Martın 20-də Rusiya Federasiyasının İstintaq Komitəsi Rusiya Federasiyasının Prezidentini və Uşaq Hüquqları üzrə Müvəkkili məsuliyyətə cəlb etmək üçün heç bir əsas olmadığı üçün BCM-nin prokuroru və hakimlərinə qarşı cinayət işi açıb, onların hərəkətlərini qanunsuz hesab edib.