BP-nin Cəbrayıılda inşa edəcəyi günəş elektrik enerjsi stansiyası ilə bağlı işlər yeni mərhələyə keçir. Böyük Britaniya şirkətinin Azərbaycanda enerji sahəsində fəaliyyəti 2022-ci ildə Şuşada imzalanan sənədlə yeni mərhələyə qədəm qoyub. Bu da ənənəvi neft-qaz sahəsindən sonra yaşıl enerji sahəsində işlərlə bağlıdır.
"Operativ Media" xəbər verir ki, söhbət Cəbrayılda həyata keçirilən Şəfəq adlı günəş elektrik stansiyası layihəsinin reallaşdırılmasından gedir.
Bərpaolunan Enerji Mənbələri Dövlət Agentliyinin direktor müavini Aygün Zeynalova bildirib ki, bunun üçün maneə olan mina problemi aradan qaldırılır.
"Orada hazırda minatəmizləmə işləri yekunlaşmaq üzrədir. Ərazi minalardan təmizləndikdən sonra, yaxın müddətdə bunun reallaşacağını planlaşdırırıq. Sahəyə daxil olacaq texniki heyət və ölçmə, müşahidə aparatları quraşdırılacaq”.
Növbəti mərhələdə layihənin icrasında “Virtual Enerji Ötürülməsi Mexanizmi” adlı biznes modelinin tətbiqi planlaşdırılır. Bu model Cəbrayılda günəş enerjisinin istehsalına və onun ölkənin digər hissələrində dövlət və ya özəl alıcılara satışına imkan yaradır.
İqtisadçı Xalid Kərimli bildirir ki, ümumiyyətlə, Azərbaycanın özünün enerji strategiyasında 2030-cu ilə qədər ümumi elektrik enerjisinin artırılması planı mövcuddur.
"Eyni zamanda da elektrik enerjisinin istehsalında bərpa olunan mənbələri indiki 5-6 faizdən 30 faizə qədər minimum artırmaq planı var. Bu istiqamətdə də, xüsusən 2022-ci ildə bir sıra real addımların atıldığını görürük. Masdar, Aqua Pover, BP ilə 700 meqavatlıq enerji şirkəti ilə 3 saziş bağlandı”.
Deməli, həmin müqavilələrin imzalanması hədəfin mahiyyətindən xəbər verir. Üstəlik ilk qiymətləndirməyə görə, Azərbaycanda 2 gigavattlıq alernativ enerji ehtiyatının olması daha bir üstünlükdür. Cəbrayıldakı “yaşıl enerji” zonasında xarici tərəfdaşlığın ilk nümunəsi olan “Şəfəq” layihəsi BP ilə Azərbaycan arasında təmiz enerji və dekarbonizasiya siyatətinin həyata keçirilməsində də xüsusi rol oynayacaq.
Samir Cabbarov
