ABŞ Ermənistanı Rusiyaya yardım etməkdə ittiham edib

Rusiya sanksiyalara baxmayaraq, əsas elektron komponentlərin idxalının həcmini bərpa edə bilib. 

"Operativ Media" xəbər verir ki, bu barədə Politico nəşri yazıb. ABŞ Dövlət Departamentinin sanksiyalar üzrə koordinatoru Cim O'Brayen ölkəyə əsas mikroçiplərin və elektronikanın idxalı müharibədən əvvəlki səviyyəyə qayıtdığını deyib. O'Brayenin fikrincə, problem ondan ibarətdir ki, Avropa şirkətləri materialları başqa ölkələrə satır, onlar da öz növbəsində onları Rusiyaya satırlar. 

"Bu ilin əvvəlində Rusiya elektronikanın bəzi əsas kateqoriyalarını idxal edə bildi", - rəsmi çiplər, prosessorlar və inteqral sxemləri deyə o bildirib.

Cim O'Brayen qeyd edib ki, bu komponentlər müasir silahların istehsalında çox vacibdir. Onun sözlərinə görə, ABŞ sanksiyalardan yayınmağa kömək edən 5 ölkə müəyyən edib. Bu ölkələr  Türkiyə, Qazaxıstan, Gürcüstan, Birləşmiş Ərəb Əmirlikləri və Ermənistandır.