"Twitter" "Meta"nı məhkəməyə verməyə hazırlaşır

"Twitter" yeni "Threads" proqramına görə "Meta"nı məhkəməyə verməklə hədələyir.

"Operativ Media" xəbər verir ki, "Semafor" tərəfindən nəşr olunan CEO Mark Zuckerbergə ünvanlanan məktubda "Twitter"in hüquqşünası bildirib ki, şirkət "Meta Platforms" (Meta) "Twitter"in ticarət sirlərini və digər əqli mülkiyyətini sistematik, qəsdən və qeyri-qanuni mənimsəmə ilə məşğul olduğundan ciddi narahatdır".

"Twitter" öz əqli mülkiyyət hüquqlarını ciddi şəkildə tətbiq etmək niyyətindədir və "Meta"dan "Twitter"in ticarət sirləri və ya digər yüksək məxfi məlumatlardan istifadəni dayandırmaq üçün dərhal tədbir görməsini tələb edir"-deyə vəkil Alex Spiro yazıb.

Qeyd edək ki, ötən gün "Meta" yeni "Threads" proqramını rəsmi olaraq təqdim etdi. Bu, "Twitter"ə bənzər qısa mesajlaşma sosial şəbəkəsidir.

Bir neçə saata sosial şəbəkə istifadəçilərinin sayı 30 milyonu ötüb. 

Bunu da oxu: Yeni sosial şəbəkədə Azərbaycanın hansı dövlət qurumları var?