http://operativmedia.az/public/frontend/img/svg/proqnozu.svg
Bakı 26 ° C

Rusiya XİN rəsmisi: Rusiya sülhməramlı kontingenti onun qarşısında qoyulan tapşırıqları effektiv şəkildə yerinə yetirir

09 Noyabr 2022 , 18:41
Rusiya XİN rəsmisi: Rusiya sülhməramlı kontingenti onun qarşısında qoyulan tapşırıqları effektiv şəkildə yerinə yetirir

Bu gün - 9 noyabrda Rusiya Prezidenti Vladimir Putin, Azərbaycan Prezidenti İlham Əliyev və Ermənistan Baş naziri Nikol Paşinyanın iştirakı ilə Qarabağ münaqişəsi bölgəsində tam atəşkəsin elan olunması və bütün hərbi əməliyyatların dayandırılması haqda bəyanatın imzalanmasının 2 ili tamam olur. Bu addımın atılması qan tökülməsinin sona çatdırılması və regionda dinc həyatın bərqərar olunması üçün imkan yaratdı.

"Operativ Media" xəbər verir ki, bunu bu gün Rusiya Xarici İşlər Nazirliyinin rəsmi nümayəndəsi Mariya Zaxarova bildirib.

Onun sözlərinə görə, 2020-ci il 9 noyabrında imzalanan razılaşmaya əsasən, bölgəyə gətirilən Rusiya sülhməramlı kontingenti onun qarşısında qoyulan tapşırıqları effektiv şəkildə yerinə yetirir, vəziyyətin stabilləşdirilməsi və regionda təhlükəsizliyin təmin edilməsi üçün əhəmiyyətli dərəcədə töhfə verir: "Bunu bizim həm Azərbaycandan, həm də Ermənistandan olan dostlarımız yüksək qiymətləndirir".

XİN rəsmisi qeyd edib ki, 2020-ci il 9 noyabr, 2021-ci il 11 yanvar və 26 noyabr, 2022-ci il 31 oktyabr tarixli bəyanatlar Azərbaycan və Ermənistan arasında münasibətlərin normallaşdırılması üçün kompleks tədbirlərin başlanmasının əsasını qoyub: "Ölkələrin Baş nazir müavinlərinin həmsədrliyi altında Üçtərəfli İşçi Qrupunun fəaliyyəti çərçivəsində Cənubi Qafqazda nəqliyyat kommunikasiyalarının açılması istiqamətində böyük işlər görülüb. Biz Cənubi Qafqazın iqtisadi və nəqliyyat potensialından maksimum istifadə edə bilmək üçün konkret layihələrin ən tez zamanda reallaşdırılması üçün iş aparırıq. 2021-ci ilin 26 noyabrda ölkə liderlərinin gəldiyi qərara əsasən, Ermənistan - Azərbaycan sərhədlərinin Rusiyanın da konsultativ iştirakı ilə demarkasiyası və delimitasiyası üzrə ikitərəfli komissiya fəaliyyətə başlayıb. Bu qurumun fəaliyyəti Azərbaycanla Ermənistan arasındakı sərhəddəki vəziyyətin stabilləşdirilməsi nöqteyi-nəzərindən olduqca vacib əhəmiyyət kəsb edir. Azərbaycan və Ermənistandan olan həmkarlarla sülh müqaviləsinin hazırlanması üzrə sıx koordinasiya həyata keçirilir. Bizim ölkəmizin aktiv iştirakı ilə bu iki ölkənin xalqları arasında etibarın möhkəmləndirilməsi üçün ictimaiyyət nümayəndələrinin, mütəxəssislərin və parlamentarilərin iştirakı ilə dialoqların inkişaf etdirilməsi istiqamətində lazımi addımlar atılır. Rusiya rəsmi Bakı və İrəvanla Cənubi Qafqazda sülhün, stabilliyin təmin olunması, regionun inkişafı çərçivəsində bütün zəruri addımların atılması üçün əməkdaşlıq edəcək".

 

OXŞAR XƏBƏRLƏR
Özbəkistan və Türkmənistan Prezidentləri ikitərəfli əlaqələrin möhkəmləndirilməsini müzakirə ediblər

Özbəkistan və Türkmənistan Prezidentləri ikitərəfli əlaqələrin möhkəmləndirilməsini müzakirə ediblər

Ceyhun Bayramov ABŞ-a işgüzar səfərə yola düşüb

Ceyhun Bayramov ABŞ-a işgüzar səfərə yola düşüb

XİN Malini təbrik edib

XİN Malini təbrik edib

XƏBƏR LENTİ
  • 13:04

    Özbəkistan və Türkmənistan Prezidentləri ikitərəfli əlaqələrin möhkəmləndirilməsini müzakirə ediblər
  • 12:42

    Bəzi yerlərdə leysan yağıb, şimşək çaxıb - FAKTİKİ HAVA
  • 12:14

    Yük avtomobili dərəyə yuvarlanıb, ölən var
  • 11:45

    Sabahın hava proqnozu açıqlanıb
    Sabahın hava proqnozu açıqlanıb
  • 11:30

    Müdafiə Nazirliyi həftəlik icmalı təqdim edib - VİDEO
  • 11:02

    Ceyhun Bayramov ABŞ-a işgüzar səfərə yola düşüb
    Ceyhun Bayramov ABŞ-a işgüzar səfərə yola düşüb
  • 10:38

    İranda kömür mədənində partlayış olub
  • 10:09

    Seyfəli poliqonunda istifadəyə yararsız döyüş sursatları məhv ediləcək
Menyu