İlham Əliyev Özbəkistanda səfərdədir-YENİLƏNİB 2

Xəbərə fotolar əlavə olunub

***

13:11

Azərbaycan Respublikasının Prezidenti İlham Əliyev Türk Dövlətləri Təşkilatının IX Zirvə görüşündə iştirak etmək üçün noyabrın 10-da Özbəkistan Respublikasına səfərə gedib.

"Operativ Media" xəbər verir ki, hər iki ölkənin dövlət bayraqlarının dalğalandığı Səmərqənd Beynəlxalq Hava Limanında ali qonağın şərəfinə fəxri qarovul dəstəsi düzülüb.

Dövlət başçısı İlham Əliyevi və birinci xanım Mehriban Əliyevanı Özbəkistanın Baş naziri Abdulla Aripov və digər rəsmi şəxslər qarşılayıblar.

***

11:11

Prezident İlham Əliyev Səmərqəndə səfər edəcək.

"Operativ Media" Özbəkistan mediasına istinadən bildirir ki, Şavkat Mirziyoyevin sədrliyi ilə keçiriləcək tədbirdə Qurbanqulu Berdiməhəmmədov, Türkiyə Prezidenti Rəcəb Tayyib Ərdoğan, Azərbaycan Prezidenti İlham Əliyev, Qazaxıstan Prezidenti Kasım-Jomart Tokayev, Qırğızıstan Prezidenti Sadir Japarov və Macarıstanın Baş naziri Viktor Orban iştirak edəcəklər

TDT-nın Səmərqənd Bəyannaməsi və digər mühüm qərar və sənədlərin qəbulu nəzərdə tutulur.