Bu gün ən populyar sosial şəbəkələrdən biri də "Telegram"dır.
“Bax-keç jurnalistikası”nın prinsiplərinə uyğun olaraq Teleqram platforması xəbər kanalları üçün də ideal məkandır. Böyük həcmli faylların göndərilməsi, limitsiz sayda faylların göndərilməsi zamanı keyfiyyətin qorunması, mesajların istənilən vaxt qarşılıqlı silinməsi və s. Teleqramı digər sosial şəbəkələrdən fərqləndirən xüsusiyyətlərdəndir. Proqram “Google Play” və “App Store”dan asanlıqla yüklənilə bilir.
14 avqust 2013-cü ildə veb-saytı və aplikasiyası istifadəyə verilən Telegram artıq 10 ildir istifadəçilərinin ixtiyarındadır.
“Operativ Media” rus proqramisti Pavel Durov tərəfindən yaradılan mesajlaşma platforması haqqında 10 maraqlı xüsusiyyətləri təqdim edir:
1. Teleqram mesajlarınızı vaxtında göndərməyə imkan yaradır. Belə ki, istənilən mesajın göndərimini unutmamaq üçün ona göndəriş vaxtı təyin edə, daha sonra “göndər” düyməsini basıb saxlayaraq "mesajı planlaşdır" seçimini edə bilərsiniz.
2. Təsadüfi qruplara qoşulmaq istəmirsinizsə, “Məxfilik və təhlükəsizlik” bölməsində seçim var ki, burada siz yalnız qoşulmuş insanlar tərəfindən qruplara əlavə edilə bilərsiniz.
3. Teleqram bir proqram daxilində birdən çox hesabı eyni vaxtda istifadə etməyə imkan verir. bunun üçün ekranı sağa sürüşdürərək "hesab əlavə et" seçiminə klikləmək lazımdır.
4. Böyük bir söhbət qrupunuz varsa, mesajları növbəyə qoya bilərsiniz. Bununla siz bildirişlərin sıxlığından qurtula və vacib məlumatların itməsinin qarşısını ala bilərsiniz. Admin olduğunuz qrupun parametrlərindən mesajın yavaşlama rejimini aktivləşdirmək mümkündür. Bu xüsusiyyət sayəsində 10 saniyədən 1 saata qədər intensivliyi seçmək imkanınız olacaq.
5. Teleqramda söhbət ekranını bağlamadan yutubda axtarış etmək mümkündür. Bunun üçün etməli olduğunuz şey axtardığınız videonun linkini tapmaq üçün mesaj bölməsinə “@youtube” yazaraq müvafiq məzmunun başlığını axtarmaqdır. Daha sonra nəticələrə görə istədiyiniz videonu asanlıqla qarşı tərəfə göndərə bilərsiniz.
6. Teleqramda göndərilən bir mesajın üçüncü şəxsə yönləndirilməsini bağlamaq olur.
7. Teleqramda söhbət qovluqları yarada və asanlıqla qovluqlar arasında keçid edə bilərsiniz.
8. Müxtəlif botlar vasitəsilə digər sosial platformalarda olan postların linkini qeyd edərək onları yükləyə bilərsiniz.
9. Bu proqram vasitəsilə son görünmə vaxtınızı istədiyiniz şəxsə bağlaya və yaxud istədiyiniz şəxs üçün açıq qoya bilərsiniz.
10. Tətbiqdə istifadə etdiyiniz hesabı müəyyən müddətdən sonra silmək üçün vaxt təyin edə bilərsiniz. Bunun üçün parametrlərdə məxfilik və təhlükəsizlik bölməsini tapmaq və "hesabı avtomatik silmək" seçimini aktivləşdirməkdir.
Sevinc İbrahimzadə
