Mövcud ölkə üzrə uçuş həyata keçirən daşıyıcı şirkətləri nəzərə alsaq, Azərbaycandan təyyarə ilə hansısa ölkəyə səfər etmək əksər hallarda ucuz başa gəlmir. Son dövrlər “WizzAir” in Bakıdan reysləri artırması ilə nisbətən bu məsələ asanlaşsa da, yenə ucuz bilet almaq üçün bir sıra amilləri nəzərə almaq lazımdır.
“Operativ Media” ucuz bilet almağın praktiki yollarını araşdırıb.
Tez duranla, tez bilet alan uduzmaz
Ucuz bilet deyəndə ilk olaraq ağıla aylar öncə alınmış bilet gəlir. Praktika göstərir ki, 28 həftə öncədən alınmış biletlər minimum 15 faiz qənaət etməyə imkan verir. Amma uçuş olan həftə yerlər dolmasa, bəzən biletlər satışa çıxarılır ki, onda da ucuz tapmaq olur. Payız və yanvar-fevral aylarında alınan biletlərlə də digər aylarda alınan biletlər arasında qiymət fərqi də hiss olunur.
Bilet satışı həyata keçirən tətbiqlərdən yararlanın
“Skyscanner”, “Flyscanner” və.s kimi bilet satışı həyata keçirən tətbiqlər bir çox hallarda endirimli biletləri təqdim edirlər. Proqram imkan verir ki, qiymət siz istəyən aralığa düşdükdə bildirim gəlsin. Belə olan halda əgər endirim olduğu halda sizə məlumat gəlir. Eyni zamanda uçuş tarixini konkret gün deyil “Flexible” tarix seçdikdə qiymətdə bu fərq hiss olunur.
Uçuş və eniş yerinin seçilməsi çox önəmlidir
Nə qədər qəribə səslənsə də, bəzən iki bilet almaq bir bilet almaqdan ucuz başa gəlir. Bir ay əvvəl Bakıdan Monteneqroya uçuş adambaşı 1800 manat idi. Eyni tarixlər isə Bakıdan-Abu-Dabi-Podqoritsa seçdikdə isə 600 manata bilet tapmaq mümkün idi.
Brauzeri mütləq təmizləyin, yoxsa hər axtarış etdikdə qiymət artacaq
Səfər etməzdən öncə hər kəs bir neçə dəfə bilet axtarır. “Google” üzərindən bir dəfə axtarış etmək kifayət edir ki, sonradan həmin marşrut üzrə qarşımıza dəfələrlə təkliflər çıxsın. Birinci axtarışda Bakı-İstanbul üzrə axtarış edib 300 manata bilet tapılırsa, avtomatik ikinci axtarışda qiymət baha olacaq. Ona görə də Shif+CTRL+N etməklə brauzeri gizli rejimə geçirtmək mütləqdir.
VPN-lə axtarış etdikdə hər zaman bir addım öndə olursunuz
Sentyabr üçün Bakı-İstanbul reysini Bakıdan axtarış etdikdə qiymət 504 manat göstərir. Eyni tarixdə uçuşu VPN istifadə edərək Sinqapurdan alırmış kimi yoxladıqda isə qiymət artıq 326 manata enir.
Tək bilet, tək sərnişin
Bir hava yolu ilə iki nəfərlik gediş-dönüş bileti axtarın. Daha sonra isə tək nəfərin yalnız gediş biletini seçin. Qayıdışı da bu qaydada etdikdə artıq qiymət fərqini görmək mümkündür.
Ən çox istifadə olunan ənənəvi üsullar
- Hava yolu şirkətlərinin mail qrupların üzv olun
- Hava yolu şirkətlərinin öz proqramlarını yükləyib, bildirimləri aktiv edin
- Şirkətlərin “Club” üzvlüyünə az ödənişlə abunə olun
- Dəyişkən tarixləri seçin
- Hava yolu şirkətinin təklif etidyi deyil özünüzün təyin etdiyiniz tranzit yolları seçin
