Türkiyənin Milli Müdafiə Nazirliyi Ermənistanı təxribatlardan çəkinməyə çağırır

"Hazırda Türkiyə Silahlı Qüvvələri Azərbaycan ordusunun modernləşdirilməsi və təlimi fəaliyyətinə, erməni işğalından azad edilmiş rayonlarda mina və kustar üsulla hazırlanmış partlayıcı qurğuların axtarışı və məhv edilməsi fəaliyyətlərinə dəstəyini davam etdirir".

"Operativ Media" xəbər verir ki, bunu Türkiyə Milli Müdafiə Nazirliyinin Mətbuat və İctimaiyyətlə Əlaqələr müşaviri kontr-admiral Zeki Aktürk bildirib.

"Qafqaz regionunun sülh şəraitində gələcəyə doğru möhkəm addımlar atacağına inanır, Ermənistanın uzadılmış sülh əlini tutacağına ümid edir və Azərbaycan və Ermənistan arasında daimi sülhün bərqərar olması üçün səmimi səyləri dəstəklədiyimizi bir daha bildiririk.

Kədərdə, sevincdə birləşdiyimiz azərbaycanlı qardaşlarımızı “iki dövlət, bir millət” anlayışı ilə onların haqlı işlərində indiyə qədər etdiyimiz kimi bundan sonra da bütün imkanlarımızla dəstəkləyəcəyik"-deyə Aktürk bildirib.