Türkiyə Hərbi Dəniz Qüvvələrinin platformaları üçün yeni məhsullar üzərində çalışan ASELSAN, bu il Dəniz Patrul Gəmisi və MİLGEM layihəsinin davamında istifadə olunacaq üç məhsul hazırlayıb. MİLGEM 5-ci gəmisi ilə bu il inventara yeni məhsullar əlavə olunacaq.
"Operativ Media" nın məlumatına görə, ASELSAN, orijinal mühəndislik gücü ilə hazırlanmış yerli sistemləri TEKNOFEST İzmirdə nümayiş etdirib.
Festivalda ASELSAN-ın bu il, ilk dəfə inventarlaşdırılan və inkişaf işləri davam edən dəniz sistemləri də təqdim edilib.
Son zamanlar Türkiyə Hərbi Dəniz Qüvvələrinin platformaları üçün yeni məhsullar üzərində çalışdıqlarını bildirən ASELSAN baş direktoru Əhməd Akyol, bu il Açıq Dəniz Patrul Gəmisi və MİLGEM layihəsinin davamında istifadə olunacaq üç məhsul hazırladıqlarını bildirib.
"GÖKDENİZ Yaxın Hava Hücumundan Müdafiə Sistemi yaxın zamanda MİLGEM 5-ci gəmisinə inteqrasiya edilib. İndiyə qədər üç ölkə ilə ixrac müqaviləsi imzalamışıq. GÖKDENİZ ilə radar, elektro-optika, atəşə nəzarət alqoritmləri və ağıllı sursatları ilə milli olaraq Dəniz Qüvvələrinə hissəcik sursatları ilə hava və yerüstü hədəfləri yaxın məsafədən zərərsizləşdirən bir sistem gətirdik",- deyə Akyol qeyd edib.
Əvvəlki illərdə xaricdən alınan və zaman-zaman əldə etməkdə çətinlik çəkən gəminin üst dirəyindəki hava hücumundan müdafiə radarlarının milliləşdirilməsi işini başa çatdırdıqlarını ifadə edən Akyol, CENK radarının bu günlərdə MİLGEM 5-ci gəmidə yerini aldığını bildirib.
"CENK gəminin hava hücumundan müdafiə radarı funksiyasını yerinə yetirir və gəmiyə yaxınlaşan bütün təyyarələrin, raketlərin və suüstü vasitələrin aşkarlanmasına və müəyyənləşdirilməsinə imkan yaradır. CENK radarı son dərəcə yüksək texnologiyadır. Aktiv skan edən radar texnologiyası ilə bu il Dəniz Qüvvələrinin inventarına daxil olur",- deyə ASELSAN baş direktoru vurğulayıb.
Bu il Hərbi Dəniz Qüvvələrinə gətiriləcək digər məhsulun AKREP atəşə nəzarət radarı olduğunu bildirən Akyol, keçmişdə müxtəlif ölkələrdən alınan və nişanlanma təmin edilən radarın MİLGEM 5-ci gəmisinə inteqrasiya edildiyini bildirib.
"Sualtı işləri eyni intensivliklə davam edir və Türkiyənin ilk avtonom sualtı avtomobili DERİNGÖZ inventarlaşmaq üzrədir. Lisenziya alınmasına tabe olan sualtı qayıqların yelkənlərinin idarə oluna bilən dirəklərini də milliləşdirdik. Su altında təzyiq, sızdırmazlıq və genişlənmə kimi bəzi problemləri həll etdik. Sualtı qayıqlarımız bu məhsulla səthə yaxınlaşaraq rabitə, radar, elektron döyüş və optika kimi yükləri dirəklərlə çıxararaq istifadə etmək imkanı əldə edir. Bu il ilk dəfə su üzərində olan məhsullar inventarlaşdırıldı. Su altında olan iki yeni məhsulumuz ASELSAN-ın Türk Silahlı Qüvvələrinə qazandırdığı yeni məhsullar olacaq",- deyə Akyol əlavə edib.
