"30 il torpaqları işğal altında qalan Azərbaycan humanitar yardım məsələsində də ikili standartlarla üzləşdi. Xarici Donor təşkilatları öz doğma yurdundan didərgin düşən 1 milyondan artıq məcburi köçkünün düşdüyü ağır vəziyyətə göz yumdu".
Bunu "Operativ Media" ya açıqlamasında politiloq Fikrət Sadıxov bildirib.
Ekspertin sözlərinə görə, vəziyyət bu gün də dəyişməz olaraq qalır. Ölkəmizdə öz evinə, torpağına qayıda bilməyən 100 minlərlə insan yada düşmür. Onlara humanitar yardım göstərilmir.
"İllərdir Azərbaycan məcburi köçkünlərin ehtiyaclarını özü qarşılayır. 1993-2019-cu illərdə qaçqın və məcburi köçkünlərin sosial təminatı və digər məsələlərə 10 milyard manat həcmində vəsait xərclənib.
Biz özümüz onlara yardım edirdik. Biz onlara çadırlar və sonradan evlər tikdik. Şəhərciklər inşa olundu. O şəhərciklərdə onlar uzun illər ərzində yaşadı. Və bunların hamısı öz büdcəmizdən ayrılan maliyyə əsasında tikilmişdi. Yəni onların ermənilərə belə bir qayğısının düşünürəm ki, müəyyən siyasi fəaliyyət var. Yəni azərbaycanlılar ayrı, ermənilər ayrı. Guya ermənilər oradan etnik təmizləmə nəticəsində qaçıblar. 2020-2023-cü illərdə belə vahid aylıq müavinət daxil olmaqla hər il üçün 380 milyon manat, mənzil-məişət şəraitinin yaxşılaşdırılması üçün 600 milyon manat ödənilib. Buraya hətta təhsil xərclərini də əlavə etmək olar. Fikrət Sadıqox bildirib ki, Qərb təsisatlarının Qarabağdan öz istəyi ilə çıxan ermənilərə yardım üçün özünü səfərbər etməsi ayrı-seçkiliyin bariz nümunəsidir.
Dünya gördü ki, Azərbaycan onların Xankəndindən çıxmasına bütün şəraiti yaratdı. Onlar normal şəkildə könülü öz maşınları ilə Laçın yolu vasitəsilə Azərbaycan torpaqlarını tərk etdilər. Hətta biz özümüz də onlara bir sıra nəqliyyat vasitələri də göndərdik. Yəni bunları görməmək o deməkdir ki açıq şəkildə Azərbaycana qarşı qərəzli mövqe nümayiş etdirilir. Bu da ikili yanaşmalardan başqa bir şey deyil".
Politoloq əlavə edib ki, bütün bunlar beynəlxalq donor təşkilatlarının da bəzi Qərb siyasi dairələrinin sifarişi ilə fəaliyyət göstərdiyinə dair şübhələri artırır.
