AVTOVAZ yeni Niva modelini nümayiş etdirib - VİDEO

“Lada Niva”nın yeni versiyası təqdim olunub. Bu, Lada Niva Sport T2 adlanır və Rusiya ralli çempionatında iştirak etməyə hazırlaşır. Avtomobil Vesta Sportun inkişafı və istehsalı ilə məşğul olan Lada Sport müəssisəsində istehsal olunacaq.

Operativ Media bu barədə “Rambler”ə istinadən xəbər verir.

AVTOVAZ zavodunun yarış komandası Lada Sport Rosneft tərəfindən təqdim edilən modelin əsas texniki yeniliyi mühərrikdir. Sport T2 150 at gücü hasil edən 16 klapanlı 1,8 litrlik mühərriklə təchiz edilib. Maksimum fırlanma anı 2000 rpm-ə yaxınlaşdırılıb.

Yarış yolsuzluq avtomobili həmçinin modernləşdirilmiş suqəbuledici sistem, yeni amortizatorlar və təkmilləşdirilmiş əyləc sistemi ilə təmin olunub.

Bundan əlavə, Niva 6% yüngülləşib ki, bu da onun xüsusi gücünü artıracaq, dinamikasını və yarış məsafəsində məsafə qabiliyyətini yaxşılaşdıracaq.

Lada Niva Sport T2-də sınaqdan keçirilmiş bəzi nüansların “mülki” Lada Niva Sportda da tətbiq olunması mümkündür, eyni zamanda onun buraxılışı 2024-cü ilə planlaşdırılır.

Sevinc İbrahimzadə