Omeqa-3 çatışmazlığı orqanizmdə hansı problemləri yaradır?

“Omeqa-3 çatışmazlığı yorğunluğun artması, əhval-ruhiyyənin pisləşməsi, dərinin quruması, dəridə sağalmayan yaralar və çatlar ilə özünü büruzə verir”.

 “Operativ Media” xəbər verir ki, bunu qidalanma üzrə mütəxəssis Natalya Denisova “aif.ru” saytına müsahibəsində deyib.

Həkim orqanizmdə omeqa-3 əskikliyinin yaratdığı problemlərdən bəhs edib:

“Omeqa-3 çatışmazlığı həm də hormonal  balanssızlıqlara səbəb ola bilər. Yüksək xolesterol səviyyəsi də bu problemdən xəbər verə bilər. Bu, həmçinin dolayı yolla lipid mübadiləsinin pozulduğunun əlamətidir.

Həkim bildirib ki, orqanizm omeqa-3-ü özü istehsal etmir, ona görə də biz bu turşuların ehtiyatını ancaq qidalanma yolu ilə doldura bilərik:

“İlk növbədə, dəniz məhsullarını, xüsusilə balıq kimi yağlı qidaları həftədə 2-3 dəfə istehlak edərək omeqa-3 çatışmazlığının qarşısını almaq mümkündür. Eyni zamanda kürü də omeqa-3 ehtiyatlarını doldurmağa kömək edəcək”.