Qızdırıcı cihazların sağlamlığa hansı mənfi təsirləri var?

“Optimal otaq temperaturu 18-24 dərəcə arasındadır. Əks təqdirdə, bədənin qoruyucu funksiyalarının itirilməsi səbəbindən insan xəstələnə bilər”.

Operativ Media xəbər verir ki, bu barədə həkim Tatyana Romanenko “Moscow Speaks” radiosuna müsahibəsində danışıb.

“Soyuq otaqda olmaq tamamilə sağlam deyil, hətta təhlükələri də mövcuddur. Yatmaq üçün otaqda optimal temperatur 18 dərəcə, oyaq qalmaq üçün isə 22-24 dərəcə olmalıdır. Temperatur bu optimal fizioloji rahatlıq səviyyələrindən aşağı düşəndə insanlar otağı isitmək üçün qızdırıcı cihazlardan istifadə edirlər ki, bunun da müəyyən təhlükələri ola bilər”.

O bildirib ki, böyük qablarda qaynar su otaqdakı havanı istiləşdirmək və nəmləndirmək üçün kifayət qədər təhlükəsiz bir yoldur:

“İstilik cihazlarının sağlamlığa təhlükəsi ondan ibarətdir ki, bu zaman həm də havanı quruduruq. Quru hava isə quru selikli qişalar deməkdir. Burun və ağızın selikli qişaları quruduqda virus və bakteriyaların bədənə daxil olmasına mane olan qoruyucu funksiya fəaliyyətini dayandırır. Quru selikli qişalar artıq lazımi qorunmanı təmin etmir. Qış vaxtlarında tənəffüs vasitəsilə yoluxan xəstəliklərin sayının artmasının səbəblərindən biri də budur. Quru hava orqanizm üçün allergiyaya səbəb olan əlavə faktordur, çünki hər cür allergen, toz və viruslar uzun müddət quru havada asılı vəziyyətdə qalır. Sağlamlıq baxımından havanın bu şəkildə qurudulması tamamilə faydalı deyil”.