Saakaşvilinin vəziyyəti pisləşib

Mixail Saakaşvilinin vəkilləri vəziyyətinin pisləşməsi ilə əlaqədar onu müalicə üçün başqa klinikaya köçürməyi düşünürlər. 

"Operativ Media" Gürcüstan KİV-ə istinadən bildirir ki, vəkil Şalva Xaçapuridze Saakaşvilinin başqa klinikaya köçürüləcəyini istisna etməyib. "Biz onun xaricə köçürülməsini istəyirik, lakin bunun üçün məhkəmə qərarı lazımdır", - deyə o bildirib.

Qeyd edək ki, Dekabrın 1-də Gürcüstanın eks-prezidentinin müdafiəçiləri Saakaşvilinin səhhəti ilə əlaqədar cəzaçəkmə müddətinə yenidən baxılması üçün məhkəməyə vəsatət qaldırıblar.