Aztelekom açıqladığı rəqəmlər və uyğunsuzluqlar - Mütəxəssis açıqladı

"Aztelekom açıqlayıb ki, şirkətin 2022-ci ildə gəlirləri təxminən 107 milyon manat olub. Amma bu dövlət şirkəti həmin ili 26 milyon manat zərərlə başa vurduğunu da bildirib. Hansı ki, bu zərər əvvəlki ildən də 2.25 dəfə çoxdur".

"Operativ Media" xəbər verir ki, bu barədə İKT üzrə mütəxəssis Osman Gündüz özünün "Facebook" səhifəsində bildirib. 

"Aztelekom xərclərin çoxluğunu və zərərini əsasən kadrların, əlavə işçi qüvvəsinin və ixtisaslaşmış texniki dəstək xidmətinin, həmçinin internet trafikin alışının artması ilə izah edib.

Maraqlıdır ki, bu qədər vəsaitin qarşılığında həmin dövrdə cəmi 341 min evə GPON çəkilib.

Belə çıxır ki, 341 min bağlantı üçün 100 milyon manatdan çox vəsait xərclənib. 

Bu ağlasığmazdır. Bu qədər vəsaitlə bağlantı qurulan evlərin sayı milyondan çox olmalıydı. Burada nəsə yanlışlıqlar var. 

Ümid edirəm ki, Aztelekom dövlət şirkəti bu məsələyə aydınlıq gətirəcək", - mütəxəssis qeyd edib