Gözün ağının sarıya çevrilməsinin səbəbi nədir?

İnsanın daxili orqanlarının vəziyyəti onun xarici görünüşünə görə müəyyən edilə bilər. Daimi stress, pis vərdişlər və müxtəlif sağlamlıq problemləri dəridə əks olunur. Birdən gözünüzün ağlarının saraldığını görsəniz, bu zaman mütləq həkimə müraciət etməlisiniz. 

"Operativ Media" xəbər verir ki, sarılıq xəstəliyinin xəbərçisi olan əlamətlər aşağıdakılardır:

İlk növbədə qaraciyər funksiyasının pozulması bilirubinin qanda paylanmasının artmasına gətirib çıxarır, nəticədə dəri və gözlər saralır. Qaraciyər problemlərinə qeyri-sağlam həyat tərzi, düzgün olmayan qidalanma və ya parazit yoluxma da səbəb ola bilər.

Onkoloji xəstəlikləri olan insanların da gözləri tez-tez sarı, qırmızı və sulu olur. Həmçinin kompüterdə uzun müddət işləmək, yuxunun olmaması, otaqda düzgün və qeyri-kafi işıqlandırma kimi amillər də gözlərin saralmasına səbəb olur.

Gözlərdə sarılığın səbəbini müəyyən etmək üçün oftalmoloq müayinəsindən və müxtəlif testlərdən keçmək lazım gəlir. Çünki belə bir hadisənin səbəbini müəyyən etmək üçün təkcə sadə yoxlamalar kifayət etmir.

Bəs gözlərin ağları saraldıqda nə etmək lazımdır?

Gözlərin saralmasının qarşısını almaq üçün ümumi sağlamlığınıza diqqət yetirməlisiniz. Bunun üçün qaraciyərə mənfi təsir göstərən yükü azaltmaq lazımdır.

Bunlara siqaret və spirt istehlakını dayandırmaq, un məhsullarının məhdudlaşdırılması, duzlu və ədviyyatlı yeməklər yeməmək aiddir. Həmçinin tez-tez açıq havada gəzmək, kompüterdə işləyərkən hər 20 dəqiqədən bir istirahət və göz məşqləri etmək, kifayət qədər yatmaq mütləq lazımdır.