Azərbaycanda sosial media marketinqə maraq niyə azalır?

Son illərdə Azərbaycanda sosial media platformalarında kreativ postların sayında azalma müşahidə edilməkdədir. Bu, sosial media marketinqinə olan marağın azalmasına dair bir sıra müzakirələri də gündəmə gətirir. Bir çox insan isə bu sahədə frilans iş axtarır. 

Mövzu ilə bağlı "Admedia" reklam agentliyinin sosial media departamentinin rəhbəri Şahin İsazadə "Operativ Media"ya fikirlərini bölüşüb:

"Son illərdə sosial media platformalarında orqanik məzmunun görünməsinin azaldığı və reklam məzmununun daha çox nüfuz etdiyini deyə bilərik. Bu, şirkətlər və brendlər üçün orqanik məzmun yaratmaq və potensial müştərilərlə əlaqə qurmaq üçün daha çətin bir mühit yaradır. Bir sıra şirkətlər və brendlər sosial media platformalarından reklam kampaniyalarına və marketinq strategiyalarına daha az maraq göstərirlər. Bu da sosial media marketinqinə olan ümumiləşmiş marağın azalmasına səbəb olur".

Şahin İsazadə bildirir ki, son zamanlar SMM üzrə frilans iş axtaranların artdığı da müşahidə edilir:

"Bir çox gənclər sosial media marketinq sahəsində əlavə iş təcrübəsi qazanmaq üçün frilans işlər axtarırlar. Frilans işlərdə iş saatları və şəraitin rahat olması bir çox insan üçün əvəzsiz seçimdir. Sosial media marketinqdə frilans işlər təklif edən şirkətlər və brendlər işçilərin öz iş vaxtlarını idarə etmələrinə imkan verirlər".

Ekspert onu da qeyd edib ki,  Azərbaycanda sosial media marketinqə olan marağın azalması və frilans iş axtaranların artması bu sahədə dəyişən dinamikanın bir nümunəsidir.

"İş axtaranlar üçün sosial media marketinq sahəsində mümkün olan yeni imkanları araşdırmaq və yaradıcı həllər təklif etmək əhəmiyyətli olacaq".