http://operativmedia.az/public/frontend/img/svg/proqnozu.svg
Bakı 18 ° C

Samir Şərifov: Orta Dəhliz regionun tranzit potensialının tam şəkildə reallaşdırılmasına xidmət edəcək

20 Aprel 2024 , 21:49
Samir Şərifov: Orta Dəhliz regionun tranzit potensialının tam şəkildə reallaşdırılmasına xidmət edəcək

Azərbaycan Orta Dəhlizin reallaşdırılması üçün öz üzərinə düşən işləri tam yerinə yetirib.

"Operativ Media" xəbər verir ki, bunu Azərbaycanın maliyyə naziri Samir Şərifov Vaşinqtonda keçirilən Beynəlxalq Valyuta Fondu (BVF) və Dünya Bankı (DB) Qrupunun Yaz Toplantısı çərçivəsində təşkil olunmuş “Orta Dəhlizin ticarət və logistika potensialının reallaşdırılması” mövzusunda tədbirdə deyib.

S.Şərifov Azərbaycanın Orta Dəhlizin mühüm tərəfdaşlarından biri olduğunu vurğulayaraq son illərdə ölkədə yol-nəqliyyat infrastrukturunun inkişafı, ticarət və logistika potensialının genişləndirilməsi istiqamətində görülmüş işlərdən danışıb.

Nazir bildirib ki, Dünya Bankının təqdimatında da qeyd olunduğu kimi, Azərbaycan Orta Dəhlizin reallaşdırılması üçün öz üzərinə düşən işləri tam yerinə yetirib. O, Bakı-Tbilisi-Qars dəmiryolu xəttinin istifadəyə verilməsi və Bakı Beynəlxalq Dəniz Ticarət Limanının yükaşırma gücünün artırılması, eləcə də ölkədə nəqliyyat və logistika infrastrukturunun yaxşılaşdırılması ilə bağlı görülən digər işləri qeyd edib. Nazir Zəngəzur dəhlizinin də Orta Dəhliz boyunca yeni nəqliyyat arteriyasının açılması baxımından xüsusi əhəmiyyətə malik olduğunu və region ölkələrinin tranzit potensialının tam şəkildə reallaşdırılmasına xidmət edəcəyini bildirib. Sonda Samir Şərifov Azərbaycanın Orta Dəhlizin fəal və vacib tərəfdaşı olmağa davam edəcəyini qeyd edib.

Qeyd edək ki, Dünya Bankının Avropa və Mərkəzi Asiya üzrə vitse-prezidenti xanım Antonella Bassaninin sədrliyi ilə keçən görüşdə Dünya Bankının, Avropa Komissiyasının və ABŞ Dövlət Departamentinin nümayəndələri ilə yanaşı, Mərkəzi Asiya və Cənubi Qafqaz ölkələrinin, eləcə də Türkiyənin hökumət nümayəndələri iştirak edib.

Tədbirdə Dünya Bankı tərəfindən aparılmış təhlilə əsasən Orta Dəhlizin reallaşdırılmasının mümkün olduğu bildirilib və onun əsasən Çin və Mərkəzi Asiya ölkələri üçün xüsusi əhəmiyyət kəsb etdiyi vurğulanıb. Daha sonra dəhlizin nəqliyyat-tranzit potensialının artırılması üçün qarşıda duran çağırışlar və onların həlli ilə bağlı Dünya Bankının təklifləri ətrafında fikir mübadiləsi aparılıb. Görüşdə Türkiyənin nəqliyyat və infrastruktur naziri, Qazaxıstan Mərkəzi Bankının sədri, Gürcüstan və Ermənistanın maliyyə nazirləri çıxış edərək Orta Dəhlizin imkanlarından və əhəmiyyətindən danışıblar.

Bununla yanaşı, maliyyə naziri Samir Şərifov Azərbaycan nümayəndə heyətinin BVF-nin sərəncamçı direktoru xanım Kristalina Georgiyeva ilə görüşündə iştirak edib, həmçinin Asiya İnfrastruktur İnvestisiya Bankının Prezidenti Cin Liqun, İqlim İnvestisiya Fondunun baş icraçı direktoru xanım Tariye Gbadagesin, Avrasiya İnkişaf Bankının idarə heyətinin sədri cənab Nikolay Podquzov və İsveçrənin Beynəlxalq Maliyyə üzrə Dövlət Katibi xanım Daniella Stoffel, Standard ənd Purs və Mudiz beynəlxalq kredit reytinq agentlikləri ilə görüşlər keçirib, qarşılıqlı əməkdaşlıq məsələlərini müzakirə edib.

OXŞAR XƏBƏRLƏR
Muxtar Babayev Barbadosun kənd təsərrüfatı və ərzaq təhlükəsizliyi naziri ilə görüşüb

Muxtar Babayev Barbadosun kənd təsərrüfatı və ərzaq təhlükəsizliyi naziri ilə görüşüb

Bu il Ağdam Sənaye Parkında 5-dən çox müəssisə fəaliyyətə başlayacaq

Bu il Ağdam Sənaye Parkında 5-dən çox müəssisə fəaliyyətə başlayacaq

KOBİA sədri Vyetnam Milli Sahibkarlıq Assosiasiyasının prezidenti ilə görüşüb

KOBİA sədri Vyetnam Milli Sahibkarlıq Assosiasiyasının prezidenti ilə görüşüb

XƏBƏR LENTİ
  • 16:19

    "Qalatasaray" Portuqaliyadan futbolçu transfer edir
  • 16:07

    "Şamaxı" klubunda ilk ayrılıq baş tutdu
  • 16:02

    Bakıda muzeylərə giriş üçün ödəniş nə qədərdir?
  • 15:58

    Finlandiya Prezidenti İlham Əiyevi təbrik edib
  • 15:52

    Leysan yağacaq, dolu düşəcək - XƏBƏRDARLIQ
    Leysan yağacaq, dolu düşəcək - XƏBƏRDARLIQ
  • 15:46

    Muxtar Babayev Barbadosun kənd təsərrüfatı və ərzaq təhlükəsizliyi naziri ilə görüşüb
  • 15:40

    Baqratyan: Ermənistanda etirazlar Paşinyanın istefası ilə nəticələnə bilər
  • 15:34

    Azərbaycan Ordusunda silah və texnika yay mövsümündə istismar rejiminə keçirilir - VİDEO
    Azərbaycan Ordusunda silah və texnika yay mövsümündə istismar rejiminə keçirilir - VİDEO
Menyu