Rövlan Muradov: "Son oyunlardakı nəticələrimiz azarkeşləri stadiona gətirir"

Son oyunlardakı nəticələrimiz azarkeşləri stadiona gətirir.

Bunu "Operativ Media"ya "Sumqayıtın futbolçusu Rövlan Muradov "Qarabağ"la oyunu dəyərləndirərkən bildirib. O, "Qarabağ"la oyunun ağır keçəcəyini bildiklərini vurğulayıb.

"Bizi "Qarabağ"la çox ağır oyun gözlədiyini bilirdik. Doğma meydanda oynayırdıq və bu oyuna maraq olduqca böyük idi. Rəqibimizin Avropaya adından söz etdirdiyini də bilirik. Rəqib bizimlə oyuna tam heyyətlə çıxmışdı. Sonadək mübarizə apardıq, döyüşdük və istədiyimiz qolu vurub sonda qələbə qazandıq.

Rövlan Muradov azarkeşlərin onları 90 dəqiqə dəstəklməsinə də toxunub.

"Düşünürəm ki, bizim bu son oyunlardakı nəticələrimiz azarkeşləri də stadiona gətirir. Hər bir azarkeşə təşəkkür edirəm ki, bizə dəstək olurlar və onların sayəsində oyunlara daha yaxşı motivasiya oluruq. Ümid edirəm ki, qarşıdakı son 4 final oyununda da gəlib biz belə dəstək olacaqlar".

Qeyd edək ki, dünən baş tutan qarşılaşmada "Sumqayıt" çempionluğu rəsmiləşdirmiş "Qarabağ"ı 1-0 hesabı ilə məğlub edib.