Daily Mail: 300-ə yaxın "Boeing 777" elektrik nasazlığı səbəbindən partlaya bilər

300-ə yaxın "Boeing 777" təyyarəsi yanacaq çənlərinin yaxınlığında elektrik naqillərindəki nasazlıq səbəbindən partlaya bilər.

"Operativ Medcia" xəbər verir ki, bu barədə "Daily Mail" ABŞ Federal Aviasiya Administrasiyasının (FAA) yazılı xəbərdarlığına istinadən xəbər verir.

“Şirkətin 777 model təyyarəsindəki qısaqapanma ilə bağlı problem təyyarənin qanadlarında yanacaq çənlərinin alovlanmasına və partlayışa səbəb ola bilər", - deyə məlumatda qeyd olunub.

Nəşrin əldə etdiyi sənədə görə, “Boeing”də aparılan yoxlamalar göstərib ki, statik elektriki dağıtmaq üçün elektronikanın düzgün quraşdırılmaması səbəbindən “Boeing 777” təyyarəsinin qanadında elektrik boşalması yarana bilər ki, bu da yaxınlıqdakı konstruksiya elementlərinə, o cümlədən yanacaq çəninə təsir göstərə bilər.