Rusiya XİN: Laçın yolundakı vəziyyət sülh müqaviləsini çətinləşdirir

"Laçın dəhlizi ətrafında vəziyyətin gərginləşməsi Ermənistanla Azərbaycan arasında sülh müqaviləsi üzərində işi çətinləşdirir"

"Operativ Media" xəbər verir ki, bunu Rusiya Federasiyası xarici işlər nazirinin müavini Mixail Qaluzin "TASS"a müsahibəsində bildirib. 

"Əsas odur ki, Bakı və İrəvan regionda sabit və ədalətli sülhə təminat verəcək qarşılıqlı məqbul həll yoluna gələ bilsinlər. Rusiya tərəfi Rusiya, Azərbaycan və Ermənistan liderlərinin 2022-ci il oktyabrın 31-də Soçi sammitinin yekunlarına dair üçtərəfli bəyanatında qeyd olunduğu kimi, danışıqlar prosesinə hər cür kömək göstərməyə hazırdır.

Təbii ki, hazırda Laçın dəhlizi ətrafında vəziyyətin gərginləşməsi kimi hadisələr danışıqların, o cümlədən sülh müqaviləsi ilə bağlı fonu çətinləşdirməyə bilməz. Rusiya tərəfi vəziyyəti "yerində" həll etmək üçün enerjili səylər göstərir. Biz Ermənistan-Azərbaycan münasibətlərinin normallaşmasının bütün yolları üzrə birgə işlərin tezliklə bərpasını gözləyirik"-deyə o qeyd edib.