"Qalatasaray" ÇL-nin pley-off mərhələsində "Qarabağ"la qarşılaşa bilər

Türkiyə Superliqasının çempionu "Qalatasaray" ÇL-nin pley-off mərhələsindən mübarizəyə başlayacaq.

"Operativ Media" xəbər verir ki, "sarı-qırmızılı" klubun potensial rəqibləri bəlli olub.

“Qalatasaray”ı pley-off mərhələsində “Şaxtyor” (Ukrayna), “Srvena Zvezda” (Serbiya), “Yanq Boyz” (İsveçrə), “Dinamoz Zaqreb” (Xorvatiya) və PAOK (Yunanıstan) kimi rəqiblər gözləyir.

“Makkabi Tel-Əviv” (İsrail), Bodo Qlimt (Norveç), Ferençvaroş (Macarıstan), “Qarabağ” (Azərbaycan), “Slovan Bratislava” (Slovakiya) digər mümkün rəqiblərdir.

Qeyd edək ki, "Qarabağ" pley-off mərhələsinə kimi yüksəlsə "Qalatasaray" potensial rəqiblərindən biri olacaq.