http://operativmedia.az/public/frontend/img/svg/proqnozu.svg
Bakı 18 ° C

Bu il Ağdam Sənaye Parkında 5-dən çox müəssisə fəaliyyətə başlayacaq

30 May 2024 , 14:58
Bu il Ağdam Sənaye Parkında 5-dən çox müəssisə fəaliyyətə başlayacaq

Bu il ərzində Ağdam Sənaye Parkında 5-dən çox müəssisənin fəaliyyətə başlaması gözlənilir.

"Operativ Media" xəbər verir ki, bunu jurnalistlərə açıqlamasında İqtisadi Zonaların İnkişafı Agentliyinin İdarə Heyətinin sədri Seymur Adıgözəlov deyib.

Onun sözlərinə görə, Sənaye Parkının 190 hektar ərazisinin 60 faizdən çox hissəsi dolub, həmin ərazilər uzun müddətə sahibkarların istifadəsinə verilib.

“Digər sənaye zonaları kimi, Ağdam Sənaye Parkına da sahibkarlar tərəfindən böyük maraq göstərilir. Belə ki, Agentliyin idarəçiliyindəki sənaye parklarından Sumqayıt Kimya Sənaye Parkından sonra ən çox rezident sayı Ağdam Sənaye Parkındadır”, - S.Adıgözəlov qeyd edib.

Agentliyin İdarə Heyətinin sədri bildirib ki, hazırda Ağdam Sənaye Parkında ümumi investisiyalarının həcmi 200,6 milyon manatdan çox olan 23 sahibkarlıq subyektinə rezidentlik, 6 sahibkara isə qeyri-rezidentlik statusu verilib. “Bu 29 sahibkarlıq subyekti tərəfindən Sənaye Parkında ümumilikdə 1900-dən çox iş yerinin yaradılması nəzərdə tutulur. Artıq rezidentlər tərəfindən Sənaye Parkına 35 milyon manatdan artıq investisiya yatırılıb, 300-dək daimi iş yeri yaradılıb”, - S.Adıgözəlov əlavə edib.

Onun sözlərinə görə, hazırda Sənaye Parkında bir çox rezidentlər tərəfindən tikinti-quraşdırma işləri tam başa çatdırılıb, yaxın vaxtlarda istehsal fəaliyyətinə başlamaq nəzərdə tutulur: “Bəzi rezidentlər tərəfindən isə tikinti-quraşdırma işləri davam etdirilir. Bunların da bəzilərində işlərin bu il ərzində yekunlaşması planlaşdırılır. Havalandırma, yanğınsöndürmə avadanlıqları və müxtəlif metal məmulatlar, tikinti materialları, dam örtükləri, boru və qutu profillər, elektrik paylayıcı avadanlıqlar və elektrik yuvaları, müxtəlif növ dəmir yolu avadanlıqları, divar kağızları, ayaqqabı istehsalı və s. müəssisələrin bu il fəaliyyətə başlaması nəzərdə tutulur”.

S.Adıgözəlov əlavə edib ki, hazırda Ağdam Sənaye Parkında dövlət vəsaiti hesabına infrastrukturun qurulması, elektrik yarımstansiyası və inzibati binanın tikintisi istiqamətində işlər davam etdirilir.

OXŞAR XƏBƏRLƏR
Azərbaycan nefti bahalaşıb

Azərbaycan nefti bahalaşıb

Rusiyadan taxıl ixracı 2024-cü ildə 16 faiz artıb

Rusiyadan taxıl ixracı 2024-cü ildə 16 faiz artıb

Yanvar - may aylarında elektrik enerjisi istehsalında yaşıl enerjinin payı 14%-ə yüksəlib

Yanvar - may aylarında elektrik enerjisi istehsalında yaşıl enerjinin payı 14%-ə yüksəlib

XƏBƏR LENTİ
  • 11:59

    Hərbi Qənimətlər Parkına mediatur təşkil edilib
  • 11:47

    “Azərişıq” bayram günlərində gücləndirilmiş iş rejimində çalışacaq
  • 11:35

    Bərdədə 22 kiloqram kultivasiya olunaraq yetişdirilən çətənə kolu aşkarlanıb
  • 11:13

    Azərbaycan nefti bahalaşıb
  • 11:09

    İlham Əliyev Böyük Britaniya kralını təbrik edib
    İlham Əliyev Böyük Britaniya kralını təbrik edib
  • 11:08

    Mehriban Əliyeva Milli Qurtuluş Günü münasibətilə paylaşım edib
  • 11:02

    Dələduzluq edən 12 nəfər saxlanılıb
  • 10:41

    Ötən gün 66 kiloqrama yaxın narkotik vasitə aşkar olunaraq götürülüb
Menyu