“Apple” Avropada süni intellekt xidmətlərinin istifadəyə verilməsini təxirə salıb

“Apple” şirkəti Avropa İttifaqı (Aİ) səbəbindən Avropada süni intellekt (AI) xidmətlərinin istifadəyə verilməsini təxirə salıb.

"Operativ Media" xəbər verir ki, bu barədə şirkət nümayəndələri bildiriblər.

“Apple” şirkətinin fikrincə, bu, Aİ-nin faktiki qadağası ilə bağlıdır. Avropa səlahiyyətliləri yeni alətlərin Rəqəmsal Bazarlar Aktını (DMA) pozacağına inanırlar.

Qadağaya səbəb tənzimləyici qeyri-müəyyənlikdir. "Apple" həmçinin Aİ qaydalarının istifadəçilərin şəxsi məlumatlarını riskə atmağa məcbur etdiyini vurğulayıb. Görünən odur ki, Avropa Birliyi şirkət tərəfindən emal edilən məlumatları bir şəkildə tənzimləməyi planlaşdırır.

"Apple" qeyd edib ki, Avropa Komissiyası (AK) ilə birlikdə bu xüsusiyyətləri Aİ-dəki müştərilərə və onların təhlükəsizliyinə xələl gətirmədən həll tapmağa sadiqdirlər.