Rusiya Mərkəzi Bankı yuanla valyuta əməliyyatlarını bərpa edəcək

Rusiya Mərkəzi Bankı yanvarın 13-dən daxili bazarda yuanla valyuta ticarətini bərpa edəcəyini açıqlayıb.

"Operativ Media" xəbər verir ki, Rusiya Mərkəzi Bankından verilən yazılı açıqlamada bankın yanvarın 13-dən daxili bazarda valyuta əməliyyatlarına başlayacağı bildirilib.

Valyuta əməliyyatlarının yuanla aparılacağına diqqət çəkən açıqlamada rublun məzənnəsinə təsirinin azaldılması üçün əməliyyat günlərində bərabər məzənnələrlə əməliyyatların aparılacağı qeyd edilib.

Mövzu ilə bağlı açıqlamasında Rusiya Maliyyə Nazirliyi valyuta əməliyyatlarının yenidən başlaması qərarının daxili iqtisadi şərtlərin sabitliyini və proqnozlaşdırıla bilənliyini artırmaq məqsədi daşıdığını bildirib.

Neft və təbii qazda büdcə gəlirlərinin bu ay mənfi 54,5 milyard rubl səviyyəsində olacağına diqqət çəkən açıqlamada, yanvar ayında valyuta satışının həyata keçiriləcəyi və 54,5 milyard rubl dəyərində fondun olduğu qeyd edilib. 

Qərardan sonra dollar/rubl pariteti 1,48 faiz azalaraq 68,7-yə, avro/rubl pariteti isə 1,2 faiz azalaraq 74 səviyyəsindən aşağı düşüb.