Yaponiya qar enerjisi istehsalını araşdırır

Yaponiyanın şimal-şərqindəki Aomori şəhərində bərpa olunan enerji təchizatı üçün qardan elektrik enerjisi istehsal etmək üçün tədqiqatlara başlanılıb.

"Operativ Media" xəbər verir ki, Kyodo agentliyinin yaydığı məlumata görə, şəhər rəsmisi açıqlamasında "Qar problem olaraq görülür, lakin biz onu faydalı istifadəyə çevirə bilərik" deyə bildirib.

Tokiodakı "Elektro-Rabitə Universiteti" və yerli İT firması Forte Co.  artıq mənfəətdən istifadə edərək enerji istehsalı üçün işlərə başlayıb.

Bu kontekstdə istismar olunmayan ibtidai məktəbin hovuzunda yığılan qarla ətrafdakı hava arasındakı temperatur fərqindən istifadə edilərək elektrik enerjisi istehsalının mümkünlüyü araşdırılıb.

Qarla soyudulmuş mayenin buxarlanmasından elektrik enerjisi yaranacaq. Turbin ətrafdakı havanın istiliyi ilə yığılmış qarla soyudulmuş mayenin buxarlanması nəticəsində yaranan enerji ilə hərəkətə gətiriləcək. Layihə çərçivəsində yığılmış qarı soyuq saxlamaq üçün hovuza izolyasiya materialları yerləşdirilib.