Fransalı müdafiəçi Rafael Varan zədə səbəbindən karyerasını bitirməyi düşünür

İtaliya A Seriyası komandası "Komo"da çıxış edən fransalı müdafiəçi Rafael Varan zədə səbəbindən karyerasını bitirməyi düşünür.

"Operativ Media" xəbər verir ki, bu haqda "Le Parisien" məlumat yayıb.

Serie A-ya yeni gələn "Komo"ya transfer olan Varan bir sıra fiziki problemlərdən sonra futbolla vidalaşmağa yaxın ola bilər. 2018 Dünya Kubokunu qazanan müdafiəçi peşəkar futbolçu karyerasını bitirməyi düşünür və tezliklə qərarını açıqlaya bilər. Bu mövsümün əvvəlindən bəri, Varan dizindən zədə ilə mübarizə aparır və "Komo"nun heyətində yalnız bir dəfə meydana çıxıb.

Üç mövsümü "Mançester Yunayted"də keçirən fransız müdafiəçi "Komo"ya keçsə də, son üç mövsümdə zədələrdən əziyyə çəkib. Dizindəki ciddi zədədən sonra baş məşqçi Sesk Fabreqasın bir neçə ay ərzində ona arxalana bilməyəcəyini bilən "Komo" Varanı bu mövsüm  heyətdən kənarlaşdırıb.