Ukrayna-Rusiya müharibəsi başlayandan bu yana Ukrayna əhalisinin üçdə biri ölkəni tərk edib

BMT-nin insan hüquqları üzrə ekspertləri Rusiya-Ukrayna müharibəsi başlayandan bu yana qaçqın düşən şəxslərlə bağlı vəziyyəti açıqlayıb.

"Operativ Media" xəbər verir ki, açıqlamada Ukrayna əhalisinin üçdə birinin müharibə başlayandan sonra ölkəni tərk etdiyi vurğulanıb və çoxlu sayda qadın, uşaq, qoca və əlil qaçqının son dərəcə həssas vəziyyətdə olduğu bildirilib.

Bildirilib ki, qaçqınların və onların ailələrinin müdafiəsi beynəlxalq hüququn tələbidir və uşaqların müdafiəsinə xüsusi diqqət yetirilməlidir.

Həmçinin, BMT-nin Humanitar Məsələlər üzrə Koordinasiya Ofisi Rusiyanın Ukraynadakı mülki yaşayış məntəqələrinə raket hücumları nəticəsində minlərlə ailənin elektrik enerjisi və rabitə imkanlarından məhrum olduğunu bildirib.