Zaxarova: Aİ-nin mülki missiya göndərməsi Rusiyanın vasitəçilik səylərini məhdudlaşdırmaq cəhdidir

Rusiya Avropa İttifaqının Ermənistanın Azərbaycanla sərhədinə mülki missiya göndərməsinə münasibət bildirib.

"Operativ Media"nın məlumatına görə, Rusiya Xarici İşlər Nazirliyinin rəsmi nümayəndəsi Mariya Zaxarova bu gün keçirdiyi brifinqdə Ermənistanın təklifi ilə Aİ sərhəd missiyasının Ermənistana göndərilməsi ilə bağlı suala cavabında bu məlumatı gördüyünü bildirib.

“Anladığım qədər Avropa İttifaqında bununla bağlı formal qərar hələlik qəbul olunmayıb. Biz buna təəssüflər olsun ki, Avropa İttifaqının Bakı ilə İrəvan arasında münasibətlərin nizamlanmasına növbəti dəfə bütün vasitələrlə mane olmaq, Rusiyanın vasitəçilik səylərini məhdudlaşdırmaq cəhdi kimi baxırıq. Əlbəttə ki, bu, suveren dövlətlərin məsələsidir. Onlar öz münasibətlərini qururlar”, deyə Rusiya XİN sözçüsü vurğulayıb.