Pakistan Aİ-dən Kəşmir üzrə xüsusi nümayəndə təyin etməyi istəyib

Pakistanın Azad Cammu Kəşmir prezidenti Sultan Mahmud Çaudri Avropa İttifaqından (Aİ) Cammu Kəşmir məsələsinin sülh yolu ilə həlli üçün Kəşmir üzrə xüsusi elçi təyin etməyi istəyib.

"Operativ Media" xəbər verir ki, Pakistan Radiosunda yer alan xəbərə görə, Çaudri Brüsseldə Beynəlxalq Kəşmir Sülh Forumunun təşkil etdiyi tədbirdə AB Parlamenti, Belçika Senatı və Belçika Parlamenti üzvlərinə müraciət edib.

Çaudri burada etdiyi açıqlamada Aİ-dən Cammu və Kəşmir məsələsinin sülh yolu ilə həlli üçün Kəşmir üzrə xüsusi elçi təyin etməsini istəyib .

Kəşmirin iki nüvə dövlətinin üz-üzə gəldiyi dünyanın ən təhlükəli bölgəsi olduğunu bildirən Çaudri, AB-nin insan haqları və bu problemin həllinə əhəmiyyətli töhfələr verə biləcəyinə diqqət çəkib.

Aİ-nin Cammu və Kəşmir probleminin həllində, Cənubi Asiyada sülh və təhlükəsizliyin təmin edilməsində mühüm rol oynaya biləcəyini ifadə edən Çaudri, Hindistanın Kəşmirlilərə təzyiqlərini gücləndirdiyini və bunun insan hüquqlarının pozulması ilə nəticələndiyini vurğulayıb.