Ərdoğanla Şavkat Mirziyoyev "Özbəkistan-Azərbaycan-Türkiyə" formatında dialoqun genişləndirilməsini razılaşdırıblar

Özbəkistan Respublikasının Prezidenti Şavkat Mirziyoyev Asiyada Əməkdaşlıq və Etimad Tədbirləri Şurasının sammiti çərçivəsində Türkiyə Respublikasının Prezidenti Rəcəb Tayyib Ərdoğanla görüşüb.

"Operativ Media" xəbər verir ki, genişmiqyaslı strateji tərəfdaşlıq münasibətlərinin və çoxtərəfli əməkdaşlığın daha da möhkəmləndirilməsinə dair yüksək səviyyəli sazişlərin icrası müzakirə edilib.

Birgə investisiya layihələrinin təşviqi və yeni biznes təşəbbüslərinin həyata keçirilməsinə, Türkiyənin aparıcı şirkətlərinin ölkəmizdə dövlət müəssisələrinin özəlləşdirilməsi prosesində iştirakına xüsusi diqqət yetirilib.

İlk növbədə mədəniyyət və təhsil sahələrində fəal humanitar mübadilələrin davam etdirilməsinin vacibliyi qeyd edilib.

Bu ilin noyabrında Səmərqənddə keçiriləcək Türk Dövlətləri Təşkilatına hazırlıq məsələləri müzakirə olunub. Nazirlərin “Özbəkistan-Türkiyə-Azərbaycan” formatında müntəzəm görüşləri çərçivəsində səmərəli dialoqun genişləndirilməsi razılaşdırılıb.