Paşinyan: Naxçıvana maneəsiz yol təmin ediləcək

"Hazırda biz ölkələrimiz arasında ərazi bütövlüyü, suverenlik və yurisdiksiya prinsipləri əsasında nəqliyyat kommunikasiyalarının açılması məsələsini müzakirə edirik".

Operativ Media xəbər verir ki, bunu Ermənistanın Baş naziri Nikol Paşinyan ŞƏT Sammiti çərçivəsində çıxışında bildirib.

O qeyd edib ki, bu səylər Azərbaycan Respublikasının əsas hissəsi ilə Naxçıvan Muxtar Respublikası arasında Ermənistan Respublikasının ərazisindən keçməklə maneəsiz əlaqəni, beynəlxalq və daxili rabitə baxımından Ermənistan Respublikası üçün qarşılıqlı üstünlükləri əhatə edəcək.