Fransa Fələstin dövlətini tanıyıb

Fransa Prezidenti Emmanuel Makron ölkəsinin Fələstin dövlətini tanıdığını açıqlayıb.

Operativ Media xəbər verir ki, Makron bunu BMT Baş Assambleyasında çıxış edən zaman bildirib.

Makron bildirib ki, artıq vaxt yetişib və Fransa özünün Yaxın Şərqə, israillilər və fələstinlilər arasında sülhün təmin olunmasına dair tarixi öhdəliyinə sadiq qalaraq bu addımı atır.

“Bu gün bəyan edirəm ki, Fransa Fələstin Dövlətini tanıyır”, – deyə Fransa Prezidenti vurğulayıb.