Azərbaycan Ermənistanın təcavüzü nəticəsində itkin düşən 4 min nəfərin taleyinə diqqət çəkdi

BMT Baş Assambleyasının 80-ci sessiyası çərçivəsində Azərbaycanın xarici işlər nazirinin müavini Elnur Məmmədov "Silahlı münaqişələr zamanı itkin düşmüş şəxslər: Cavabların axtarışının genişləndirilməsi" mövzusunda keçirilən Yüksək Səviyyəli İclasda iştirak edib.

Operativ Media xəbər verir ki, bu barədə XİN-in mətbuat xidməti məlumat yayıb.

Çıxışında nazir müavini Ermənistanın təcavüzü nəticəsində itkin düşmüş təxminən 4 min azərbaycanlının taleyinə diqqət çəkib və həqiqət və ədalətin təmin olunması üçün beynəlxalq səylərin gücləndirilməsinin vacibliyini vurğulayıb.