Azərbaycan XİN ABŞ Prezidentinin Qəzza münaqişəsinə dair həll planını alqışlayır

"Biz ABŞ Prezidenti Donald Tramp tərəfindən irəli sürülmüş Qəzza münaqişəsinə son qoymağa dair hərtərəfli planın elan edilməsini alqışlayırıq".

Operativ Media xəbər verir ki, bu barədə Azərbaycan XİN-nin "X" hesabında edilən paylaşımda deyilir:

"Dayanıqlı və ədalətli sülh səmimi öhdəlik, qarşılıqlı etimad və beynəlxalq hüquqa hörmət tələb edir.

Məhbusların və girovların mübadiləsi, həmçinin əhalinin humanitar tələbatlarının ödənilməsi etimadın qurulması və gərginliyin azaldılması yolu ilə uzunmüddətli sabitlik və siyasi nizamlanmaya zəmin yaratmaq baxımından həyati əhəmiyyət daşıyır.

Yalnız dialoq və xoş niyyət vasitəsilə, mərkəzində iki dövlətli həll dayanan, uzunmüddətli sülhə nail olmaq mümkündür", - paylaşımda qeyd olunub.