ABŞ-nin Azərbaycandakı müvəqqəti işlər vəkili QMİ sədri ilə görüşüb

ABŞ-nin müvəqqəti işlər vəkili Emi Karlon Qafqaz Müsəlmanları İdarəsinin (QMİ) sədri Şeyxülislam Allahşükür Paşazadə və Azərbaycanda fəaliyyət göstərən ənənəvi dini konfessiyaları təmsil edən QMİ Məşvərət Şurasının üzvləri ilə görüşüb. 

Operativ Media xəbər verir ki, bu barədə Amerika Birləşmiş Ştatlarının Bakıdakı səfirliyi "X"-də paylaşım edib.

Bildirilib ki, Xanım Karlon avqustun 8-də keçirilən Vaşinqton Sammitinin əhəmiyyətini vurğulayaraq, dini icmaların Cənubi Qafqazda davamlı sülhün bərqərar olunması və firavan gələcəyin qurulmasında oynadığı mühüm rolu xüsusi qeyd edib.