"Almaniya İsrailin mövcudluğunu tanıyır və təhlükəsizliyini müdafiə edir".

Operativ Media xəbər verir ki, bu sözləri Almaniya Baş naziri Fridrix Merts İsrail Prezidenti İsaak Hersoqla bugünkü telefonla danışığı zamanı deyib.

Baş nazir Almaniya-İsrail münasibətlərinin dəyişməz mahiyyətdə qaldığını və davamlı tarixi məsuliyyətin ifadəsi olduğunu vurğulayıb.

Qəzzada atəşkəslə bağlı razılığın əldə olunacağına ümid etdiyini bildirən Merts iki illik müharibədən sonra sülhün vaxtının çatdığını bildirib.

Merts Misirdəki İsrail-HƏMAS danışıqlarının tez bir zamanda razılaşma ilə yekunlaşmalı olduğunu bəyan edib.

"Almaniya vətəndaşları da daxil olmaqla bütün girovlar dərhal azad edilməlidir. Döyüşlər bitməlidir. HƏMAS silahlarını yerə qoymalıdır" - Merts bildirib.