Fransanın keçmiş Baş naziri Makronun göstərişi ilə ölkənin siyasi liderləri ilə görüşəcək

Fransanın istefaya göndərilən Baş naziri Sebastien Lecornu Prezident Emmanuel Makronun göstərişi ilə ölkədə sabitliyi təmin etmək üçün siyasi liderlərlə görüşməyi planlaşdırır.

Operativ Media xəbər verir ki, o, bu barədə X sosial şəbəkəsində məlumat verib.

"Mən respublika prezidentinin ölkənin sabitliyini təmin etmək üçün siyasi qüvvələrlə yekun müzakirələrin aparılması xahişini qəbul etdim. Çərşənbə günü axşam bunun mümkün olub-olmaması barədə dövlət başçısına məlumat verəcəyəm ki, o, bütün lazımi nəticələr çıxara bilsin", - Lekornu yazıb.

Qeyd edək ki, Oktyabrın 6-da Yelisey sarayı Fransanın Naş naziri Sebastien Lekornunun istefa ərizəsini təqdim etdiyini və Makronun bunu qəbul etdiyini açıqlayıb.

Beləliklə, Sebastien Lecornunun Fransa hökumətinin başçısı kimi fəaliyyəti ölkə tarixində ən qısa müddət olub. O, bir aydan az müddətə Nazirlər Kabinetinə rəhbərlik edib.