Misirdə, Şarm əl-Şeyxdə keçiriləcək Yaxın Şərq Sülh Sammitində dünyanın bir sıra ölkələrinin dövlət və hökumət başçıları iştirak edəcəklər.

Operativ Media xəbər verir ki, bu barədə Misirin rəsmi xəbər agentliyi "MENA" məlumat yayıb.

Bildirilib ki, beynəlxalq sammitdə Azərbaycan, Ermənistan, Bəhreyn, Böyük Britaniya, Macarıstan, Yunanıstan, Hindistan, İndoneziya, İordaniya, İspaniya, İtaliya, Kipr, Küveyt, Birləşmiş Ərəb Əmirlikləri, Oman, Pakistan, Türkiyə, ABŞ, Fransa və Almaniyanın liderləri və yüksək səviyyəli nümayəndələrinin iştirakı gözlənilir.

BMT-nin baş katibi, Avropa Şurasının prezidenti və Ərəb Liqasının baş katibinin də Şarm əl-Şeyxdə olacağı gözlənilir.