Xarici İşlər Naziri Ceyhun Bayramov ATƏT-in fəaliyyətdə olan sədri, Finlandiyanın xarici işlər naziri Elina Valtone ilə görüşüb.

Operativ Media xəbər verir ki, bu barədə Azərbaycan XİN-nin "X" hesabında paylaşım edilib.

Görüş zamanı Finlandiyanın ATƏT sədrliyi dövründə əməkdaşlıq perspektivləri, eləcə də ikitərəfli əməkdaşlıq gündəliyi müzakirə olunub.

Ceyhun Bayramov həmkarına post-münaqişə dövründəki regional vəziyyət, eləcə də Azərbaycan-Ermənistan normallaşma prosesi barədə məlumat verib.

ATƏT məkanında baş verən dəyişən vəziyyət müzakirə edilib, dialoqun və sabitliyin vacibliyi vurğulanıb.

Tərəflər ATƏT-in yeni reallıqlara uyğunlaşdırılması, çoxtərəfliliyin gücləndirilməsi və təşkilat çərçivəsində yaranmaqda olan təhdidlərin aradan qaldırılması ilə bağlı fikir mübadiləsi aparıblar.