Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev Berlində Almaniya kanslerinin xarici və təhlükəsizlik siyasəti üzrə müşaviri Günter Sautter ilə görüşüb.

Operativ Media xəbər verir ki, bu barədə Hikmət Hacıyev öz "X" hesabında paylaşım edib.

Görüşdə ikitərəfli əlaqələr və regional məsələlər müzakirə olunub.

Tərəflər bölgədə yaranmış yeni sülh dövrünün Azərbaycan–Almaniya münasibətlərinin inkişafı, həmçinin Avropa İttifaqı ilə əməkdaşlıq üçün geniş imkanlar açdığını vurğulayıblar.